1 3

Prjónagleði

Rýja - Finnsk handverkshefð - Guðrún Hannele

Rýja - Finnsk handverkshefð - Guðrún Hannele

20.000 ISK
20.000 ISK
Sala Uppbókað
Skattar innifaldir

Laugardaginn 6. júní 2026

kl: 13.30 - 16.30

Staðsetning: Húnaskóli

Námskeiðslýsing: 

Rýja er aldagömul finnsk hefð sem er bæði hægt að vefa í vefstól eða sauma í grunn. Útkoman er svipuð; flötur þakinn kögri eða stuttum garnspottum. Rýjamottur á gólf eða vegg eru hefðbundnar og til í alls konar mynstrum. 
Á þessu örnámskeiði lærið þið grunntæknina við að rýja. Við gerum lítið verk sem getur orðið að veggskreytingu.
Innifalið í námskeiðsgjaldinu er allt efni og áhöld í rýjaverkið; sérstakt rýjagarn frá Finnlandi, strammi, rýja-stika og nál, leiðbeiningar og mynsturteikning.

Taka með: 

Skæri og blýant og/eða fínan tússpenna

Nauðsynleg kunnátta:

Námskeiðið er fyrir alla sem vilja læra nýja aðferð í skapandi textíl

Tungumál: Íslenska, enska, finnska, skandinavíska

Kennari: Guðrún Hannele Henttinen

Guðrún Hannele er textílkennari og hefur kennt prjón, útsaum og aðrar hannyrðir um árabil. Hún er einnig vettlingabókahöfundur og gerir reglulega nýjar uppskriftir af ýmsu tagi.
Undanfarin ár hefur hún rekið Storkinn og kennt þar á námskeiðum. Hún er menntuð í textílkennslu á Íslandi og Finnlandi, enda á hún líka rætur að rekja þangað.  
Hannyrðir og skapandi greinar í textíl af öllu tagi eru áhugamál hennar, en prjón og útsaumur eru  í mestu uppáhaldi.
Sjá nánari upplýsingar