Garntorg

Garntorgið er sölutorg þar sem prjónafólk getur verslað sér garn og allskonar prjónatengdar vörur.  Garnframleiðendum, garnliturum, garnverslunum og öllum þeim sem framleiða og selja vörur sem geta höfðað til og hentað prjónafólki, býðst að selja vörur sínar á Garntorginu. 

Nú liggur fyrir hverjir verða á Garntorginu árið 2025, það ættu allir að geta fundið eitthvað við sitt hæfi nú sem endranær. Samsett mynd með öllum söluaðilum má sjá hér fyrir neðan.

Líkt og á síðustu hátíðum verður sett upp huggulegt svæði á Garntorginu þar sem hægt verður að tylla sér niður, fá sér kaffi og næringu sem og sitja í rólegheitunum með prjónana og spjalla. Á Garntorginu myndast alltaf notaleg stemmning og má segja að Garntorgið sé hjarta Prjónagleðinnar.

Viðskiptavinir Garntorgsins eru prjónarar og vöruúrvalið er hugsað fyrir þann markhóp og munu slíkar vörur hafa forgang þegar söluaððilar verða valdir inn á Garntorgið.