Prjónagleðin verður haldin í 10. sinn í sumar og það verður sannkölluð afmælishátíð. En það er ekki hægt að halda upp á stórafmæli nema vera með skreytingarnar í lagi.

Við fengum stelpurnar hjá Textílbarnum og Flóði & Fjöru í samstarf og þær græjuðu þessar fínu leiðbeiningar að prjónuðum og hekluðum hátíðarveifum fyrir okkur.

Veifurnar eru fyrirtaks afgangaverkefni og um að gera að búa til pláss fyrir allt nýja garnið sem mun fylgja ykkur heim af hátíðinni.

Takið þátt í veifugleðinni með okkur og saman skreytum við hátíðarsvæðið.

Allar nánari upplýsingar í leiðbeiningunum.