Garntorg

Garntorgið er sölutorg þar sem prjóna- og handavinnufólk getur verslað sér garn og gersemar.  

Opnunartímar Garntorgsins 2026.

Föstudagur 5. júní kl: 16 - 18

Laugardagur 6. júní kl: 11 - 18

Sunnudagur 7. júní kl: 10 - 14

Á Garntorginu er prjónakaffihús og stórt og huggulegt setsvæði þar sem hægt er að tylla sér niður, fá sér kaffi og næringu sem og sitja í rólegheitunum með prjónana og spjalla.

Á Garntorginu myndast alltaf skemmtileg stemmning og má segja að það sé hjarta Prjónagleðinnar.

Viðskiptavinir Garntorgsins er prjóna- og hannyrðafólk og vöruúrvalið er hugsað fyrir þann markhóp. 

Söluaðilar sem falla undir einn eða fleiri neðangreinda flokka hafa forgang við úthlutun sölubása á Garntorgi Prjónagleðinnar.

Hafa skal í huga að viðskiptavinir Garntogsins er handavinnufólk og vöruúrvalið skal hugsað fyrir þann markhóp.

 Smáframleiðendur/handverksfólk sem framleiðir sjálft vörurnar sem eru til sölu.

Hönnuðir og útgefendur prjóna- og handavinnutengds efnis (t.d. uppskrifta) þar sem hönnun, þróun eða hugvit er unnið af viðkomandi aðila.

Aðilar sem byggja á íslenskri framleiðslu, hönnun eða hugviti.

Sjálfstæðar sérverslanir með garn og handavinnutengdar vörur, þar sem eigandi/rekstraraðili er á staðnum og í beinum samskiptum við gesti.